投拆網友們

。

每個月也收到一大堆網友的email，很多謝大家的支持。但........唉.......


以下是節錄網友們的email。


小君：翟生對你無私的愛，照顧你所有，真的無微不至（小君，妳令我覺得自己是...嚴重智障的小女孩......鬼要他無私地照顧我）

Kate： 你好好彩呀，有個甘好的男友，對你甘好。（難道是我執到寶嗎？嗚..為何沒有人覺得是他好彩的）

Andy：告訴你的翟生,很欣賞他對你表達愛的方法,很有心思,很浪漫 （放心。我不會告訴他的...）

Patty：希望你嫁到比佢啦, 佢對你甘好。（係啦.....我無人要啦....邊個話我恨嫁的？！）


＿＿＿＿＿＿＿＿＿＿＿＿



不過.....最離譜譜是....上一次悉尼之旅，翟生只肯幫我寫了５０張postcard中的３張.....


Pinky :我真係好好彩呀 竟然收到由翟生寫既post card (嗚嗚.......難道收到我辛辛苦苦寫的４７張的網友...就很不好彩嗎........嗚嗚......）

Andrew : 好多謝你的postcard, 不過我好羨慕我同學收到翟生寫那張。（.....請你以後轉去佢個blog睇啦....佢一年update一次的）

Bonnie : 希望下次收到翟生寫的postcard 啦 （無天理了...嗚嗚嗚嗚..............）



我呀！仲記得襯我寫postcard時，一打生蠔翟生吃了淨兩隻比我！（他也不是大家說的那麼好!）我死求爛求他才幫我寫了３張。（還罵我無甘多隻手就唔好應承甘多人，應承了人就要自己做！嗚嗚，知啦知啦，死衰人！死衰人！）而且，他只肯幫我寫給女中學生和我的一個靚女朋友。


＿＿＿＿＿＿＿＿＿＿＿＿＿＿＿＿



盧騷發完了，大家唔好介意我借你們大名寫這篇blog , 哈哈。都係講下笑jor。


月中的印度之旅和我月尾去德國法籣克福。如果大家不介意甘唔好彩係收到本人寫的postcard ，就email 我啦。 （不過昨天已收到十多個網友問我可唔可以要postcard! ）無得偷步呀親愛的。


好友們名額不限。


網友印度及德國各地１５張，因為太多email我真係寫到手斷，上次寫左幾個鐘好似罰抄。（為了平熄以上被我利用了名字的網友們，尊貴的你們如要postcard 是優先的。）
Jesschak0623@gmail.com


投訴完畢。



（今晚老佛爺叫奴婢上去食飯，走人）



。