鯨魚肚

.




雪糕當飯食的夏天又來了
雖然我飛左去得４度的寒冷地方
但都係磨滅不了我要一個人鯨吞一盒雪糕的意志
當你在街上見到，一個癲婆拿著一盒家庭裝雪糕狂食時
請別猶疑，大叫我的名字啦！





講到雪糕
New Zealand Natural 是我的至愛呀！
在香港廿幾三十蚊一杯食一啖
我頂你吖，食到我破產到滿足唔到我丁丁的慾望
天生飢民我前世係餓死的
我就再挑戰自己極限
飯後，去買了一盒 946 ml 的 cookies and cream





食左２０分鐘
我發現用手拿著雪糕盒在街吃
下面的雪糕會變成湯....溶Q哂
（我應該在飛機偷些乾冰，包褢雪糕周圍）
一路行返酒店，翟生不斷吱吱地發出：比一啖我食得唔得...
我也慷慨地分了一些湯給他喝
最後我一個人用了３０分鐘
食。哂。成。盒。
出奇的...
回到酒店
我仍可吃下一個蘋果和兩片餅乾
翟生：我真係要努力工作，原來呢個世紀仲有餓死老婆瘟臭屋的可能......

.

曾經（四）只談晚餐

。




晚上我們去到能望到Manthannth 夜景的 The River Cafe 。多年前來過之後，對它的入口即融的鵝肝仍然念念不忘。





當 然這些所謂的高級法國餐廳，一看Menu 便知每道菜也是餵猫份量。認識我的人都知我是餓鬼托世，加上我這份藍領的工作，食少Ｄ野都頭暈身慶。我對著那個Appetizer 的Menu 諗左十萬年都未決定好。「妳想食咩呀？」「er....又想試鵝肝，又想食生蠔...又想食Tuna...比我諗下」然後....一早已忘記每次和我食飯他又開始那瘋癲的習慣。每一次佢都唔會比時間我去諗食咩野，我們一起時，試過無數次食飯一次過叫哂餐牌上所有前菜和甜品。今次在我極力反抗下，我們 兩個人叫了四個前菜.....


當然我很不知醜的在這所謂高級餐廳開相機拍照。





Yellowfin Tuna

Tuna 上加牛油果，又點點的芝麻香。Tuna 非常之鮮味。





Foie Gras Two Ways

登登登鄧！那個鵝肝，外面薄薄微脆，但入口即融。紅酒的香味加上鵝肝那個口感，完住唔個知點形容，一個 ‘ 正 ’ 字 ！下面是外面鬆化裡面軟熟的麵包，吸收鵝肝流出來的汁液～～嘩！





River Café Oysters

烘 Islanf Oyster ，濃濃的芝士香味配上wild sturgeon魚子醬，以黑椒烘焗，食過芝士後蠔身仍然很爽，味道很出很濃。





Taylor Bay Scallop Ceviche

Scallop ，加以一些香草配味。


終於食完前菜啦.......個 Waiter 好 wonder 我地會叫幾多個主菜。放心，在我表示只能再吃下一條毛的情怳下( 其實不是的 ），我們回復正常人類份量只叫了兩個主菜：





Maine Lobster Special

這是去了殼的龍蝦，非常之嫩滑，上面有炸過的芊絲....我原本就是很愛吃芊頭的人，癲狂的食哂芊絲後，我笑問 waiter 可否用未吃的龍蝦去換一碟芊絲，後來那個餐廳 manager 來送了一大碟芊絲給我這個麻煩的客人。





Colorado Rack of Lamb

他叫的羊架。我從小時候開始...........便不吃可愛的羊咩!！所以唔知咩味道。


甜品時候，他又上身啦....不好意思的說一句....本小姐的食量真的很癲狂.......熟識我的人都知我心情好時，一個人可以鯨吞三個甜品，食完飯食甜品時可以食 番轉頭黎多個麵，一個人在酒店可以食一加侖的雪糕。所以在他如此熟識我, 我都無什麼好掩飾....他一次過叫了五個甜品比我試。餐廳經理終於忍唔住走過來說，如果我可以食得哂，可以額外三個甜品唔收錢！嘩！睇小我啦！一年前，在銅鑼灣某高級餐廳小婢一個人叫了兩個 set dinner , 那個 Manager 說我食得哂唔收錢，甘我咪食左一個免費晚餐law !!! 而家我身邊仲有個男人幫口，真係預左有免費甜品啦！






Chocolate Marquise Brooklyn Bridge
用朱古力做了 Brooklyn bridge , 加上 hazelnut chocolate moose, 甜到入心入肺！





Goat Cheese Cheesecake
記得好似少少咸好滑，加熱情果雪糕。真係好好好味呀！





Sorbet Plate
菠蘿，橙，牛奶味的 Sorbet，菠蘿酸酸的很fresh ，很久沒有吃 Sorbet 啦！





Caramelized Apple ~ Almond Tart
很愛很愛 Caramel apple 的我清了這一碟。薄薄的 tart 皮入有 caramel apple 。




呢個...咩名呀....
已經....食唔落....完全無印象，佢幫口食哂！～yeah ~~ Free Desserts !!!!


知....埋單時, 那個經理和一班waiter 真係呆Ｑ左。我和他們chat 了很久，突然為了自己的食量很自豪！（當然可能他們會認為我有病和生蟲！）其實又唔係我一個食哂，仲有他！但大家都當他是透明，不停盛讚我的食量。無咩長處的我，真的忍不住在blog 用大長篇打出這個戰績呀 YEAH! 阿 JESS 個肚萬歲！！！



The River Cafe
Address : 1 Water Street, Brooklyn, NY 11201, United States
Tel : (718) 522-5200 必須訂位
Price : 四個甜品，兩個主菜，食五個送三個甜品，一支紅酒 ：３５０USD



.

慕尼克的鹹豬手

。




到德國當然要食德國鹹豬手啦～
我食過最好食的鹹豬手不是在法蘭克福
而是兩年前慕尼克那個夏天
在 Hofbrauhaus 啤酒屋吃到的那隻豬手
很好食可能是當時有翟生陪我一起吃





Hofbrauhaus 是慕尼克一間出名的當地啤酒屋
內面更獨具德國風格
一入門口便有一隊極之有型有格的brand 隊
他們的白頭髮在燈光反射下有些銀光閃閃
很 yeah 又 in
拿拿拿～都話男人愈成熟愈有味道
邊得似Ｄ死o靚仔夾brand甘單單薄薄無型無格





鹹豬手到～～ 又大又滑，
食過外國像㷛湯豬肉的豬手
這隻豬手都算無得彈嫁啦
三個人分一隻就剛剛好
而呢兩個波就係精髓啦～
薯仔呢嫁，不過係十分之‘煙un’ （我是文盲不懂寫）
係彈牙的好像在食肉（喂！係咪份子料理黎嫁??!! )
在啤酒屋中，不少客人會走出大廳中載歌載舞
無他的，飲了酒係甘上下癲狂的
不過氣氛非常之開心和熱鬧





我拿著那杯啤酒，一口氣空肚飲清了
之後的下場就是要由好友Amy和翟生扶我回酒店
真的很弱鷄呀我.....
(看到這張相...我才發現現在兩條手鏈都唔Ｑ見左....
連埋Ｄ扣....我買左$7600...好心痛...嗚嗚...)


不過我好像逃避不了在德國飲醉酒的運命
上星期我就因為在法蘭克福飲醉酒....而踩狗屎
我頂.....這個下次再說了





店中還有我很喜歡吃的Pretzel
當年在花旗國讀書時我常常也食Pretzel 的
因為又大又飽
很合適我這個窮學生





很懷念那個炎炎夏日
當年翟生只是我的朋友
翟生為了送飲醉酒的我回酒店
第一次扶著我行 （可以掂到我隻玉手開心死佢啦）






Hofbraeuhaus

Address：Am Platzl 2, 81829 Munich, Bavaria, Germany
Tel: 89-92105-0
Price : 每人大約２５歐羅


_______________________________



我希望眼睛看到的
感受到的也可以與你分享
但願世界上每一個角度也有你陪我走過


。

再戰花家怡園

.





空 肚出戰花家怡園，繼本人已十九幾次出征。所以我精挑細選呢幾個菜式真係堅好味道！當然第一味就係叫鴨先啦～～我很喜歡這裡包烤鴨的秘製醬料，而 且他們的配料除了有青瓜和菜之外，還有菠蘿，哈密瓜等水果，清清的水果味原來是十分配合烤鴨及醬油的味道 ！！極～～～之好味！本小姐好NIKE !





再來是這個真的一再回「 北京咩咩雞 」（我已經忘記了個菜名，大家去到看menu 是有圖畫的）。呢個「 北京咩咩雞 」巴之閉了，真係．無．奶．牛．地．～好味道！！





在花花盤中，除了有滑滑的雞，有脆麻花，生菜，麵條，蕃茄等等，精華就是那個醬料！醬料是微辣且有一點花生醬的味道真係一個字～～正！





這個素鴨～不錯不錯～～不過唔明點解.....有真鴨食，仲叫呢個素鴨呢～～兩個字：貪心





這是～「咩咩牛肉」唔記得個名啦！因為我不吃牛的，不知什麼味道~~





例菜！唔食唔安樂的「 松子魚 」～在北京間間店我都會叫呢條魚～





魚腐西蘭花





這個是雞湯 '溺' 菜 ( 我是文盲...唔識寫 ）, 很滑





又係甜品時間了 香so 竽頭條, 十分鬆化，又香竽頭味～很喜歡吃竽頭味的東西！！如雪糕和任何餸菜！





南瓜仔甜品






北京五式甜點






花家怡園
地址：北京東城區東直門內大竹街235號
電話：(8610) 64051908 / 64030677
價錢：食到反檯後，每人只是....＄１２０


。

免費午餐

.
跑到北京～
在飛機上我四處玩耍 因為飛機Business Class
只有幾個客人 阿姐叫我這個閒人四周跑跑巡查業務！
四周吹水後發現原來成架飛機，無人識出北京找好野食！！
天呀！不是嗎！每次北京機也是美食團.....
我拿著一支筆一張紙
由機尾行到駕駛艙
「有無人跟我出去食好野 ？」
最後本人以大陸導遊的身份帶了一隊人出去威

＿＿＿＿＿＿＿＿＿＿＿＿＿＿＿＿





是次午宴主題是京菜狂食。首要任務是老屈機長請食飯！！因為他說每一次空姐們都唔湊佢玩，食野唔遇佢一份，（ 鬼咩，同你食飯.....唔通收工食飯都要講英文....最慘是連是非也要用英文講呀頂你......很累！）不要面的我們老屈Captain要請食飯...（濕濕碎啦！尊貴的Captain 賺＄１０９７００一個月......)


本人帶路第一站就是翟生也讚好的「北京大董烤鴨店」





瘋狂叫菜之宴即將開始，因為我是導遊的關係，我發板！首先叫番兩隻片皮鴨先啦！唔洗錢wor ! Captain 萬歲！這裡的片皮鴨皮脆肉香，真係龜有龜味，鴨有鴨味！這裡的師傅會在客人面前立即片皮，功架十足。片皮鴨最鮮味的就是要用蘋果木烤鴨，所以在香港很難吃到好好味的片皮鴨。（ 不過我忘記了問這裡是否用蘋果木烤鴨...當住係先啦！～～）





手起刀落！我切！！！





很不錯，這裡的烤鴨比較不太油膩，適合香港人的口味。先食個芝麻餅餅





再來的叫踏雪尋梅，是冷盤的竹筍，非常之甘～新鮮





再來是紅薑皮蛋～不過我是不吃皮蛋的，唔知咩味道～





再來四個菜，先是香燒羊架，大家說係不‘蘇’的但十分之香及滑嫩，不過我不吃羊的。仲有蒜蓉豆苗尖，兩個炒飯口感是中東的米飯，非常非常之好味，我很喜歡呵呵～大家也讓給我吃～





香so大蝦





例食！松子桂魚～後面兩杯是口水雞～真係好味到無朋友～





好戲在後頭！這裡的蘋果拔絲，是我呢個鄉下妹.....食過最好好好食的蘋果拔絲，甜度剛剛好，又香又脆食到傻左，老Cap說笑要提議大家一起請假留在北京，食多幾餐～傻豬～～少食多滋味呀～





地址：朝陽區團結湖北口３號
Tel : 010 65822892 , 010 65824003 （一定要打去訂位呀）
收費：食到嘔收費為每人大約２５０

。

檳城美食記

。

芭椰島旁就是浮羅交怡了
島上沒什麼好做，不過這裡的日落很美
一大群比堅尼少女在沙灘跑來跑去
簡直是男人的人間天堂
曾幾何時我也是１８的少女....唉...
現在我被歸納為很傷自尊心的一群﹣中女

（雖然我沒有周秀娜的樣子身材，但翟生常常都讚我係最正的！！你看他的樣子就知我係佢心中的女神啦！嘩哈哈！我好簡單的，全世界一個男人覺得我係最好的就夠了～～）





我和翟生游水後便去了食海鮮了
我份人比較實際
餓住個肚睇日落我啋你都傻





檳城有一間叫東方海鮮舫
真是很好味，又超抵
在香港＄１０００蚊的海鮮，當地＄３００蚊埋單
翟生很比心機的選海鮮，
我們不停的的老闆娘說：「好窮呀好窮呀！計平Ｄ啦！」





椒鹽瀨尿蝦真係好好好食呀，
椒鹽味好香，又不會太咸
我一個人食左三碗飯





呢個蠔仔麵只是５元正，不過有超多蠔而且很很很好味
係翟生的至愛
因為我可以常常飛來這裡，所以我把所有都讓給翟生食
Ｊ：「食啦食啦，我成日都可以食」
翟：「你都食啦！」
Ｊ：「你食啦！」
翟：「好啦！」（超大口啖的食下去）
Ｊ：「嘩！你好自私呀，真係食哂唔留比我...」
翟生立即由口中吐番哂出來...無奈說說：「比你食啦！」
(係咪好嘔心呢?! 他常常都是這樣的白痴, 最後我們再叫了一碟）





這個生蠔真的很新鮮
全完比得上我們在悉尼Fish market 的澳洲生蠔
翟生是超級生蠔Fans
一次可以食好多好多
不過少食多滋味呢你懂不懂












很想拍下所有食物，
不過未等我影相之前，
翟生都食都半碟
（最過份是那碟帶子西蘭花，得番兩粒帶子！！離譜）





海鮮舫是在海邊的
平日一可看看風景
吹吹海風
我穿了翟生在意大利買給我的裙
～很喜歡呀～
晚上又可以吹吹海風





東方海鮮舫 ( Oriental Seafood Bonanza )_
Address : 42 Jalan Tanjung Tokong 10470 Pulau Pinang.
Tel : 04-8904500


_______________________________



我希望眼睛看到的
感受到的也可以與你分享
但願世界上每一個角度也有你陪我走過



.

.