今天早上七時半自動起床，我想一年只此一次。
穿起運動衣波鞋，走去家附近的山路跑步。
原本以為我是很健康有型的，聽著I pod , 背脊插條毛巾 好像拍戲一樣。
不過......寒風凜烈下，我跑了一秒鐘.......便放棄不跑了～～
（我知........我是原本天生就是無出色的人）
轉了一個念頭，便決定去翟生屋企買早餐比佢食！
（我知啦......我是不會有成就的）
由我的家到他家分別隔了１６個地鐵站和２程小巴....（天涯海角...)
不過我用了十分鐘便到了他家。
因為我支持政府的短加長減政策
到他家時
他還睡得像豬一樣，滿臉鬚根，像生意失敗的單身漢
床邊全是比天高的文件夾和兩部laptop...
等他醒了過後，我們一起吃早餐，
看到在床下底那一箱半年前已寄來的ＣＦＡ書，
Ｊ：「er......你甘忙，點溫今年ＣＦＡ呀？」
翟：「上上次溫左一星期都合格，上次考試兩星期前溫都得」
我記得，有一次去左三藩市踏單車，一次又去左巴黎。
不過考一次要萬幾元，我又覺得如果唔及格好唔抵.....
翟：「我做完呢個ＪＯＢ有一個星期假。」
Ｊ：「Or...甘你溫書囉...」（心中很不憤，唔係返工就溫書，我要去勾佬！！）
翟：「陪你去旅行好唔好？」
Ｊ：「唔好...你溫書啦..」（立即心花怒放，極度開心，又一次證明，女人口心不一）
翟生沒有出聲，又喝了口咖啡
我突然好後悔他會真的溫書唔陪我去旅行
翟：「今晚出機票啦，去邊你話事啦。」
Ｊ：「好野！！！！」
好開心！之後送了佢出中環（是的，星期六也ＯＴ，誰說中環返五日工的？！拉出黎打！）。我穿著一身的運動衣在中環站回家，（像剛玩完太極的婆婆）開心得搭過了站！
＿＿＿＿＿＿＿＿＿＿＿＿＿＿＿＿＿＿＿＿＿＿
三月中，我們會到印度，
我們這次是不會去一百萬零一夜的泰姖陵
只是會在一間五星級酒店內住一星期
（因為翟生伯伯太累了，沒有遊玩的力氣）
酒店是在印度洋的旁邊...十分舒服寫意的啊！～
。
。
