當年，香港人在他鄉，幸好我有一班有閒錢洗的好姊妹飛來夢幻樂園探望我。其中一個就是CEO背後的女人Ｒ小姐。暑假時，她死了過來說要探我。（ 話時話，Ｒ小姐近來與集團的主席分手了，離離合合又與CEO一切番。不過這幾天ＣＥＯ飛了去楓葉國探女，棄婦Ｒ小姐約了我星期天到 IFC 下午茶..... ）
Ｒ小姐來 夢幻樂園探我一星期，我簡直開心到癲左。請左一個星期去玩哂成個夢幻樂園。當然，頭炮就是來本小姐地盤水上樂園玩耍啦。當日在水上樂園Ｒ小姐竟撻著了一個救生員！晚上的成人情節過後.....Ｒ小姐便知道了廿零歲的救生員都可能係軟弱的英雄.....
JESS : 「 賤人，你以為著白色，就係白兔?! 就係純情呀?! 」
R小姐：「死姣婆，以為著藍色就無人知你發姣發鄧？！」
JESS : 「 甘我.....今日心口夠唔夠低呀？！」
R小姐：「人地十一歲未發育心口都大過你，過左黎耐都唔化....」
JESS : 「嗚嗚！我去隆胸！」
好娘呀....呢個pose ... 我當年大大話話和不同的朋友在水上樂園做了廿七次。現年為中女的我，一定唔會再擺呢Ｄpose !!! 我怕再甘影相會比Ｄ後生女小.......記得R小姐來探我的那個一星期，真的很開心，不過我也攬著她哭了很多晚，因為當時我和了在香港的男朋友分了手。Anyway , 就如長腿叔叔的豬迪說 : 「 有笑有淚才是青春！」
回頭看看，我們由大學一年級認識至今，看著大家經歷的一切一切，我只希望妳幸福快樂。和ＣＥＯ拉拉扯扯了五，六年......唉~~妳走唔 luck 嫁啦！（不過其實ＣＥＯ話離左婚傘，其實我們也很懷疑係離左婚未）
R ：「ＣＥＯ去了楓葉國探女 （和前妻生的女）」（狂躁極度！）
J : 「我想去Vancover 的 Capilano Suspension Bridge。」
R ：「關我鬼事呀！」
J : 「 不如下次我飛Vancover 時，你用後母的身份，叫你個囡囡車我去吖！」
R ：「仆街死啦你！」
仲話接受高等教育，（Ｒ小姐現在讀緊碩士課程）.....仲講粗口！！世風日下！！！
。
