四大地獄師樓

嚴正勸告：

應屆大學畢業生，務必思前想後，一失足成千古恨，簽了約後，你的人生自由，健康，感情家庭生活會完完全奉獻！頭幾年辭職，要賠幾萬蚊。請別給那個來說Career Talk ，頭帶金絲眼鏡，手插褲袋的合伙人誤導，他說在此四間公司工作至第十至十五年可以過百萬年薪（可惜工作三年已足以吐血身亡，頭三年車輪戰的考試，一個唔合格，Byebye啦你 ! 係人都考十萬七千個專業資格，你敢唔敢只考一個半個。仲有，重點係，實升你做partner 嫁??!!! ）而且你個MBA，唔該你係間有地位的大學讀，至低級至平那間叫科大，收費係四十五萬大元，唔該低ranking個過呢個MBA的，你唔該唔好讀，讀左佢當你無到。

有意組織一個幸福小家庭的女同志們，入得去做前，唔該妳立即和你身邊的男朋友結左婚先。否則請你心理準備（都係心理準備傘，不過某人的女上司都係------>你四張野時，逗那七位數字的人工，然後住在那半山三千多呎的姑婆屋！)

做合伙人之前，付出和收入永遠不成正比, 合伙人係甘接Job，下面係甘OT。仲有唔該你地唔好篤鐘，唔好計OT。皆因此舉會直接影響合伙人的年尾分紅。心地好比人篤足鐘的經理們 , 會不幸的隨著風暴和海潚在公司消失。

算了。男友連續一星期OT至凌晨四時，令我今天又更年期

連會考數學都如臨大敵我，內心是深深尊敬四大地獄師樓的每一個還生存的人類。下次你們乘坐本人工作的航班，只要稍稍表明身份，將會獲得飲品兩杯，花生兩包，本公司撲克牌和信紙套裝各一，以示鼓勵

。