昨晚，翟生一句：「妳唔開心就陪你傾到開心才睡覺。」我仲唔又喊又o爹咩，足之傾電話傾到凌晨五點。（我知大家一定想，你自己做錯事仲學咩人訴苦呀姣婆 ?!!）不過我知錯了，但希望以後做好Ｄ，唔好再激嬲尊貴的老佛爺大人芭芭拉千歲千歲千千歲。
其實真係唔知點樣道歉好，心中多難過，又怕她會變成一生一世都討厭我。（想問而家仲興唔興奶奶打家嫂呢家野呢.......好驚呀）老佛爺是一個有本事又能幹的女人，難怪她生氣我這個做事拖泥帶水無尾飛陀的奴婢。
今天我整天也很不開心，翟生也不停安慰我說是小事一樁。
翟：「我陪你散心去玩下，好唔好？」
Ｊ：「唔洗啦.....你５月尾有考試，６月頭又考CFA.......」
翟：「我心中有數了。」
Ｊ：「是但聽日去香港公園行個圈算啦.......」
一分鐘後
翟：「你前幾日咪話好掛住兩年前我們一起去羅馬時吃的薯仔Pizza?」
Ｊ：「係又點？你DHL比我呀？」
翟：「如果有人肯聽晚同你飛過去羅馬食pizza過Weekend，星期一返到香港.....」
Ｊ：「聽晚？！」
翟：「你而家唔開心，唔通下年先去呀？！」
Ｊ：「痴線！聽日飛，邊有機票呀？」
翟：「得啦，我會攪掂，聽晚陪妳飛，機場見。」
痴線的....他用了５分鐘，決定了陪我明天飛去羅馬......
他已經處理了機票的問題！比他溫CFA更 efficient
係的。２０個小時後，我們便會在前住羅馬的飛機。
別忘記你已應承５月中陪我去浮羅交怡一星期玩浮潛慶祝我條腰好番
別忘記你是５月１日才開姑溫書。
別忘記你是５月尾要考試
別忘記你是６月頭又要考ＣＦＡ
痴線的....
痴線的....
＿＿＿＿＿＿＿＿＿＿＿＿＿＿＿＿＿＿＿＿＿＿＿
這張相是兩年前剛在意大利認識翟生時拍的照，圖中是他偶像但丁的墳墓。他在那裡發呆了很久，我們當時還是普通朋友，我覺得他很怪。他又常說但丁寫的神曲好好看....我覺得他很悶。可惜，天意弄人，後來我就和這個又怪又悶的人談起戀愛了。（是的，我們是在意大利相識相愛的~~~呵～呵～很肉麻吧。）
。。
