成事不足...之天生我材無咩用

.

上星期友人見我看信報的投資月刊，驚訝地問我：「咩事呀你？！」唉～～

＿＿＿＿＿＿＿＿＿＿＿＿＿＿＿＿


「師兄呀....好肚餓呀....我想問股票Ｄ人幾時會食飯嫁.....」上星期十二時半我打給我的金牌基金紀經。（此人為我大學師兄，在他打理下，聽聞我的資產倍增不少。）「十二半至二半。咩事呢你，不嬲你唔理嫁？！」師兄回應道。「頂你個肺！！唔怪得我看了半個鐘一Ｄ反應都無啦......翟生飛左好忙....我要幫佢打理個投資戶口......」餓到半死滿口餅乾碎的我噴到一檯都係。師兄立即大叫到對面海都聽到 「咩？！你打理？！＠＠」我知我知.....師兄個心一定覺得個戶口一定涷過水......


用「打理」呢個實在係我自己抬舉自己。由返工到現在，我連自己戶口有幾多錢都完全唔知，四張卡一個月碌幾多，唔清楚！點找卡數，唔知！申請自動賬都未試過.......我是天生殘障對所有數字有關問題弱智的女人。幸好本人有一個專業的風險管理師（正是婢人男友）去幫我管理我那雞碎甘多的身家。（查實......佢個風險管理牌和會計師牌對我來說最大用途莫過如此）。張慧慈話老公出糧比哂佢佢好開心，我就出糧比哂佢，拜天拜地不要煩我就最安心。


話說翟生 biz trip 飛了後，我要按他指令行事.......甘咪.....不足一日就出左事.........佢第一日飛走時，叫我set 個唔知咩盤......係２.９１但神推鬼撞下....本婢打左２.１９。（賴咩神推鬼撞呀倒米敗家王.....）呢鍋野令翟生損失的錢.....係我知我呢Ｘ甘多個月飛到甩肺都賠唔起....（嗚......最多第日如果有幸(不幸)你娶到我時，我叫阿媽收平Ｄ補數啦.......）



幸好翟生都唔捨得鬧我（嘩哈哈！）不過本人的職務便立即被終止 （ YEAH ! 好野！）幾天前我遇上翟生的死黨 I banker A 先生 。他聽到我這件事哈哈大笑說很有我風範，後來他衝衝忙忙寫了一堆數字給我 「 讀比翟生聽就得嫁啦 ！唔好讀錯小數點呀！」（妖！小那媽 ！唔通 １３．２５我會讀左１３２. ５嗎？.........當然唔計唔小心讀錯...) 後來真如電視劇一樣........入市後.......過了五日賺了我 x 個月的人工。算了，與其我申請做賢內助 , 現在我決定支持翟生和 A 先生搞基。


話時話......那個Ａ先生經常打電話給翟生....又定期約他看戲.....仲兩個成日一齊溫書考試.....而且上次轉季仲約翟生一齊買衫.....（最慘是翟生都會見佢呀頂......) 睇黎再發展下去.....我要搵定第二個男人la ..........


雖然賺了錢，但翟生向我說認為此次行為太過投機，有違佢穩健投資的原則，下不為例。投機取巧就如 Accumulator 一樣....遲早會 Kill You Later ! ( 曹 sir 話嫁！）


＿＿＿＿＿＿＿＿＿＿


職務被終止後，投資月刊在廚房比左阿媽墊煲底......


YEAH
十四天大假，今天拿了畫架出來
明天第一炮
畫畫～！




。