早上起床時，已是十二時半，我的十四天大假已經無了半日。友人問的到那裡遊玩.....er ... 其實大假對我而言，無咩特別，我這發瘟每月只飛十天八天，個個月至少都有十七八日假。
早上起床，看到天氣晴朗如畫很想畫一幅晴天的畫不竟香港近來都是陰陰沉沉，每次飛回香港也有飛回鬼屋的感覺。去年大假，我畫了維港的景色，無他的，當時翟生還是在維港彼岸的IFC 工作，畫畫那個大鬚刨解我思君之情。
原本想問我畫晝老師學畫油畫，可惜他太忙了，而我天資又有限，他叫我自己畫住先。一直很想繪畫某個值得我懷念的地方，近來機緣巧合地，令資質低的我也有機會把那個地方畫出來。老師說：當油下顔色啦，比心機跟住畫Ｄ邊，跟住油番Ｄ輪廓出來。（低能女！唔好再成日打電話煩住我啦！好唔得閒呀！）
拿起畫板之際，「仆街.....」很多功課未做，書又未溫.....仲有三個星期我便考試了。死死地氣拿出書本，功課，字典....死落去樓下自修室溫書。成個自修室都係校服黨，真係歲月催人老，除了制服派對 , 校服已離我太遠了。坐我對面的妙齡少女，正在溫會考中史，在一小時內她照左１５次鏡......再梳左８次頭，（大家可想而知，我有幾專心溫書~~~）唉～o靚妹仔！唔洗照啦......我這死老野住妳對面，就算我層粉成串厚都唔夠妳靚女～～青春是無敵.....
不明為何自修室有一半學生頭髮都遮了半塊面........完全睇唔到佢地隻眼.......真想問下潮流先峰 Abby 小姐......er......係咪而家興呢Ｄ頭呀? Anyway 我還是紥起長髮努力溫書了......半小時...... 好能眼訓呀........
看到我中七的（十分高大有型的）大孖弟弟一走入自修室，對面那個照鏡女立即向我弟露出餓猫見魚的笑容再遞上一排糖給我弟！（ 其實我一直虎視眈眈她那排要１３元一排的糖～～哼！我大孖弟弟都唔鍾意食糖嫁！） 我露出最淫賤不能移的笑容望向我純如清水的弟弟！死仔仲唔比我斷正有女仔搭你糖～！！！我沒有向他說話，費事阻住佢溝女。（當然佢死仔都無理我.....可能怕我這老野影衰佢 ）
之前我見我兩個細佬中六七都無女朋友.....我和妹妹也懷疑過他們會搞基。（ 我和妹中學已拍拖拍到逃學......) 當然我絕不歧視同性戀，不過我也希望至少那個對象有王力宏甘高大有呀 Rain 甘靚仔吖唔該。為了帶他們入正途我曾經去日本買了幾本卡通咸書送給他們，順便又買了一本給翟生弟弟。可惜我大孖弟弟是虔誠基督徒......頂佢個肺....轉頭就掉左本書落垃圾箱......（你唔要咪捐出去law .... 你好多 fd 等住開飯嫁死仔！要成 400 Yen 嫁敗家仔！）
（以上圖片太咸濕了.....打格仔先...) 唉....而家做人家姐好難嫁啦........時下年青人都唔知諗咩........十多年的友人在中學教書，每天給學生氣得半死，真係少Ｄ熱誠都死得人多。就如上星期我 FD 留班無交功課的學生堂，他去了個到廁所回來.........全部學生偷走哂.....
雖然有一世無女溝和無燃的誓言，但第日班 ９０後都係全部無交功課.......激到我 ８０後的 fd 小那媽.......真係要向全世界老師致敬
.
