一大輪的病假，為了不停的充實自己，我近來不停的上烹飪堂，有幸得星級大師老佛爺的指點。（有些太太團會請老佛爺閒時在會所開班授徒, 特別是湯水真係嘩啦啦！）第一次上堂我便學做醉雞。記得第一次在翟生家中吃了老佛爺做的醉雞~~~~WA!!!! 那天晚上的一個人食了成隻雞，真係super super 好味。
老佛爺私人授課我打醒十二分精神，老佛爺看到蠢鈍如豬的我一面抄筆記，又一面拍video 「嘩？！有無甘誇張呀你?! 」旁邊的翟生冷冷拋下一句：「唔係甘，聽日人佢連蒸雞都唔識呀！」（yeah 佢又回來三天）當然，經我非常極度之努力下，（加上老佛爺八成九的幫忙）我終於做了兩隻醉雞回家。其後一餐飯我家人便鯨吞了兩隻醉雞可見我是非常非常之成功。
不幸，我今天已叻唔切地去教好友阿秘書小姐做醉雞，成個廚房反轉了，連第一個 step 蒸雞都失敗又失敗，「點解成肚血嫁？」好想打比老佛爺問下，但我又成手雞油，見到個雞頭又好似想掉落地，隻腳又比我地整到斷斷地.....真係可見....我是如此的成事不足！希望秘書姐姐明天吃時，那隻雞會似老佛爺教我那隻一半，如果唔係就真係影衰哂恩師。
別看我常常公主病發，查實我很喜歡下煮，在花旗國和我住過的人，都一定會記得: 阿Jess 靚粥！我對煲粥真係好有心得，因為我自己好鐘意食粥。最記得當年友人在我宿舍飯後，專程說要拿一個食物盒拿走我的粥做明天的早餐又讚我的粥是世上美食什麼什麼！本人到現在都非常自豪！（當然.....所有留學生都窮到褲穿窿的情怳下，友人可能只想拿走我的粥慳幾蚊飯錢......）現在每次聚會，大家也會提到我煲的乾瑶柱肉片粥。
今天為了答謝老佛爺的恩典，特意做了兩個紐約芝士蛋糕，一個進貢朝廷，一個小婢收埋自己食，希望她喜歡。
。
