我也想再一杯水

。

近來完全無心機打 blog , 因為太多事發生，而且這個月要handle 的事太多。 可能我的時間管理不太好，一直要做的事沒有做好，排山倒海的事要做。從前，聽話一個前輩說過：「有能力的人，要處理再多的事，都會有方法去做好。」我真是要努力努力，由今日開始每個月set好的目標也要做到。


翟生近來工作很辛苦，我們見到的機會也真的很少很少....我心情常常都很躁底，有時連傾電話的心情都沒有。也許大家很少會一個月只見男朋友一兩次，每次只幾個鐘，嗚.....誰能明白我心......有時我一個人在外站諗諗下都好掛住又無得見真係兩行眼淚幾盒紙巾.......曾經有一刻我自己擔心這段感情會習慣分離。當習慣分離，就真係有又得，無又唔見得有咩分別。早前在信報看到 Bittermelon 兄的：「誰願給會計師一杯水」。唔好話呢杯水，根本連杯佢地都無隻。Job 要夠平要夠多人幫你跟先搶到，上面Ｄ人接 Job 有甘多接甘多有甘平做甘平。中間最難做，下面個個OT無得篤鐘又西面，上面又叫你要睇住班細，最好 OT ２４小時一日做一千個 process。我知，雖然話吃得鹹魚抵得渴，但佢唔飲水都比佢喘下氣啦！（OK ！發完癲）


我知前路還是很漫長要努力又要忍耐，要堅定又要互相支持。有時我埋怨都是因為可能或者應該是因為我就來 M 到（ 就比我發下盧騷吧！）不過我的心，都是從來沒有轉變的（只是有時公主病發）。兩個人一起由大學入到社會，由零開始慢慢努力，不單是儲蓄工作經驗，儲蓄金錢，儲蓄關係網，也是學習一起儲蓄經歴，儲蓄感情，儲蓄愛。 明天又要飛五天，希望下星期回香港後，翟生可以有空陪我吃個晚飯行行街吹吹海風。
。